ბაზარზე ბევრი ტიპის უსაფრთხოების სისტემას შეხვდებით. ზოგიერთი კამერის საშუალებით დისტანციური კონტაქტია შესაძლებელი იმ სივრცესთან, სადაც მოწყობილობაა დამონტაჟებული, ზოგი კი მხოლოდ გამოსახულებას იწერს. თანამედროვე ტექნოლოგია ფაქტობრივად ყველა მოცულობის ბიუჯეტს ერგება და ყველა მსურველს სთავაზობს სახლისა თუ ბიზნესის დაცვის ალტერნატიულ გზებს.

კამერებით მარტივად შეგიძლიათ გააკონტროლოთ თუ ვინ შედის შენობაში, ან ამ შენობის კონკრეტულ ზონაში. ყველაზე მაღალტექნოლოგიურ კამერებს კომპიუტერის მსგავსი ფუნქციები აქვთ – სენსორული კონტროლი, 360⁰ ხედვა, კავშირი მობილურ აპლიკაციასთან, საჭიროების შემთხვევაში ავტომატური კავშირი სახანძრო ან საპატრულო სამსახურთან და ა.შ.